Suriyanın Afrin bölgəsində davam edən "Zeytun budağı" əməliyyatı çərçivəsində Türkiyə Silahlı Qüvvələri daha bir yaşayış məntəqəsini terrorçulardan təmizləyib.
Gunaz.az Trend-ə istinadən xəbər verir ki, bununla da Afrində azad edilən yaşayış məntəqələrinin sayı 13-ə çatıb.
Bildirilir ki, əməliyyatlar zamanı 20-dən çox terrorçu əsir götürülüb, 214 obyekt məhv edilib.
Xatırladaq ki, yanvarın 20-də Türkiyə Silahlı Qüvvələri Suriyanın Afrin şəhərində PYD və YPG terrorçularına qarşı əməliyyata başlayıb. "Zeytun budağı" adı altında keçirilən əməliyyatlara Türkiyə Hərbi Hava Qüvvələrinin "F-16" təyyarələri də cəlb olunub.
