“Kainat Gözəli” yarışmasında İraqı təmsil edən Sarah İdan ailəsi ilə birlikdə ABŞ-a qaçmağa məcbur olub.
Gunaz.az xəbər verir ki, buna səbəb İdanın israilli modellə fotoşəkil çəkdirməsidir.
Belə ki, İsraili təmsil edən Adar Gandelsman ilə şəklini sosial şəbəkədə paylaşaraq altına “sülh və sevgi” yazan İraq gözəli ölüm təhdidləri almağa başlayıb. Daha sonra model ailəsi ilə birlikdə ölkəni tərk edib.
Olay ilə bağlı açıqlama verən İdan İsrail hökumətini dəstəkləmədiyini, lakin iki ölkə arasında sülhün bərqərar olmasını arzuladığını bildirib.
