İsrail baş naziri Binyamin Netanyahu ABŞ prezidenti Donald Trampın Qüdslə bağlı qərarını dəstəklədiyini açıqlayıb.
Gunaz.az qafqazinfo-ya istinadən xəbər verir ki, ötən gün Avropa İttifaqı nazirləri ilə Brüsseldə görüşən baş nazir bəyan edib ki, fələstinlilər və avropalılar tərəfindən qınanan Trampın qərarı Yaxın Şərqdə sülhün bərqarar olmasını təmin edəcək. O, fələstinliləri İsraili yəhudi dövləti kimi, Qüdsü isə onun paytaxtı kimi tanımağa çağırıb.
Daha əvvəl Netanyahu Avropanı ikili standartlar siyasəti yürütməkdə ittiham etmişdi.
Aİ-nin Ali nümayəndəsi Federika Moqerini isə qurumun Qüdslə bağlı beynəlxalq konsensusa sadiq qalacağını bəyan etmişdi.
