Misirin cənubundə yerləşən Luksor şəhərində təxminən 3500 illik tarixə malik iki firon məzarı tapılıb.
Gunaz.az xəbər verir ki, bundan əlavə məzarda fərqli ölçülərdə taxta heykəllər, rəsm əsərləri və xeyli sayda tarixi əşya aşkar olunub. Tapıntıların kral II Amenhotep və kral IV Tutmosun dövrünə aid olduğu ehtimal olunur.
Misir Antik əsərlər naziri Xalid əl-Anani məzarların tapılmasının fövqəladə hadisə olduğunu söyləyib.
Qeyd edək ki, bir neçə ay əvvəl də Luksor şəhərində 3500 il əvvələ aid tarixi abidələr aşkar olunmuşdu.
