Liviyanın keçmiş lideri Müəmmar Qəddafinin oğlu Seyf əl-İslam Qəddafi azadlığa buraxılıb. Bu barədə "Al Arabiya" telekanalı mənbəyə istinadən xəbər verib. Xəbərdə bildirilir ki, o, ölkənin qərbində cəza çəkdiyi həbsxanadan azad edilib. Seyf əl-İslam Qəddafi ümumi amnistiya çərçivəsində azadlığa buraxılıb. O, həbsxananı tərk etdikdən sonra ölkənin şərqindəki Əl-Bayd şəhərinə gəlib. Liviyanın keçmiş liderinin oğlu 2011-ci ildə həbs edilmişdi.
