ABŞ-ın başçılıq etdiyi koalisiya qüvvələrinin İraqın Mosul şəhərinə aviazərbələr endirməsi nəticəsində İŞİD-in müharibə naziri kimi tanınan Əbu Ömər ləqəbli Gülmurad Halimov öldürülüb. Tacikistanda doğulan Halimov SSRİ-də xüsusi təyinatlı qüvvələrin tərkibində xidmət keçib. İttifaqın süqutundan sonra Tacikistanın Xüsusi Təyinatlı Polis Alayının rəhbərliyində çalışmağa başlayan gələcək İŞİD-çi, daha sonra Prezident Qvardiyasının tərkibinə daxil olur. Bundan əlavə, onun 5 il ABŞ-da hərbi bazaların birində də döyüş təlimi keçdiyi bildirilib. Tacikistanlı döyüşçü 2015-ci ildə İŞİD-ə qoşulmuşdu.
