Əsəd ailəsinin 700 milyonluq mülklərinə həbs qoyuldu
Tarix:
4-04-2017, 16:06
/ 3 645 dəfə oxundu.
Bəşər Əsəd və ailəsinin İspaniyadakı bütün mülklərinin üzərinə həbs qoyulub. "Reuters” agentliyi İspaniyanın Ali Məhkəməsi Suriya prezidentinin əmisi Rifat əl-Əsəd haqqındakı iddialarla bağlı qərar qəbul edib. Onun İspaniyanın cənubundakı cinayətkar qruplaşmalara pul ötürdüyü təsdiqini tapıb.
Araşdırmalar zamanı məlum olub ki, Andalusiya bölgəsinə aid olan Marbella və Puerto Banus şəhərlərində yerləşən və dəyəri 691 milyon avro olan mülklər Əsəd ailəsinin məhz qeyri-qanuni fəaliyyətləri ilə alınıb. Həmçinin onlara məxsus olan xeyli bank hesabı da bloklanıb.
Qeyd edək ki, Rifat əl-Əsəd qardaşı Hafız Əsədin hakimiyyətdə olduğu müddətdə prezidentin köməkçisi vəzifəsini tutub.
