Türkiyədə yaşamaq icazəsi əldə etməyə imkan verən daşınmaz əmlakın minimum qiyməti 200 min ABŞ dollarından az olmamalıdır.
Bu yeni qayda 2023-cü il oktyabrın 16-dan sonra daşınmaz əmlak almış qeyri-rezidentlərə şamil ediləcək.
Yeni qanuna əsasən, bu halda kadastr qiymətləndirməsi tələb olunmayacaq. Sənədi əldə etmək üçün yalnız “tapu” – mənzilin dəyərinin qeyd olunduğu daşınmaz əmlaka sahib olmanı təsdiq edən mülkiyyət sənədi nəzərə alınacaq.
Oktyabrın 16-dan əvvəl alınan daşınmaz əmlak sahibləri üçün isə əvvəlki qaydalar tətbiq olunacaq: kiçik şəhərlərdə daşınmaz əmlakın minimum dəyəri 50 min ABŞ dolları, meqapolislərdə isə 75 min ABŞ dollarıdır. Bu halda həm mülkiyyət, həm də qiymətləndirmə sənədi tələb olunacaq.
