Çinin beynəlxalq rezervləri yanvar ayında 12,3 milyard dollar azalıb. Bu barədə informasiyanı Çin Xalq Bankı yayıb. Xalq Bankı hazırda ölkənin beynəlxalq rezervlərinin 2,998 trilyon dollar təşkil etdiyini bildirib.
Bununla Çinin beynəlxalq ehtiyatları 2011-ci ildən sonra ilk dəfə 3 trilyon dollardan aşağı olub.
Qeyd edək ki, Pekinin kapital hərəkətinin məhdudlaşdırılması ilə bağlı tədbirlər görməsinə baxmayaraq. valyuta rezervlərinin azalması davam edir. Son aylarda yuanın kursunun zəifləməsi ölkədən kapital axınını da artırıb.
Çinin beynəlxalq rezervləri 2014-cü ildə maksimum həddə çataraq 4 trilyon dollar olub.
