Latviya Rusiya ilə sərhəddə 23 kilometr uzunluğunda hasar ucaldıb. Latviya hökuməti bu yolla qeyri-leqal miqrant axınının qarşısını almağı hədəfləyir.
Latviya Sərhəd Xidmətindən verilən məlumatda bildirilib ki, hasarın hündürlüyü tikanlı məftil də daxil olmaqla 2,7 metrdir. Hasarın tikintisinə iki il öncə başlanılıb və 2019-cu ilədək işlər davam etdiriləcək.
Qeyd edək ki, bu il 150 km-lik sərhəd xəttinin avadanlıqlarla təchiz edilməsi və 60 kilometrlik hasarın ucaldılması işlərinə 6,3 milyon avro ayrılıb.
