Qazaxıstan dövlət orqanlarının 21 saytı kiberhücum nəticəsində dağıdılıb. Bu barədə informasiyanı Qazaxıstanın İnformasiya və Kommunikasiya Nazirliyi yayıb. Nazirlik saytların zəif müdafiə ucbatından dağıdıldığını bildirib. Qazaxıstanın Kiberhücumların Araşdırılması və Analizi Mərkəzi isə Feysbuk səhifəsində çoxlu sayda saytın kiberhücumdan təsirləndiyini bildirib. Mərkəz məhz bu hücum nəticəsində 323 saytda kütləvi defeysin (haker hücum nəticəsində saytın əsas və ya vacib səhifəsinin dəyişdirilməsi – red.) aparıldığını bildirib.
