ABŞ Prezidenti Donald Tramp bir neçə vacib fərman imzalayıb. Tramp general Ceyms Mettisi ABŞ-ın Müdafiə naziri təyin edib. ABŞ Konqresi artıq C.Mettisin Pentaqon rəhbəri postuna namizədliyini dəstəkləyib, Senat isə Ceyms Mettisi ABŞ-ın müdafiə naziri vəzifəsinə təsdiq edib. Xatırladaq ki, Ceyms Mettisin 66 yaşı var. O, 1991-ci ildə Fars körfəzində, daha sonra Əfqanıstanda, 2003-cü ildə isə İraqda əməliyyatlarda diviziya komandanı olub. Onun son xidmət yeri ABŞ-ın Yaxın Şərq və Mərkəzi Asiya üzrə mərkəzi komandanlığı olub. O, bu postda 2010-2013-cü illərdə çalışıb.