Türkiyə hökuməti 2023-cü ilin sonuna qədər inflyasiyanın 30%-dən aşağı olacağını gözləyir.
Bu barədə Türkiyə Prezidenti Rəcəb Tayyib Ərdoğan danışıb.
"İlin əvvəlindən sürətlə azalan inflyasiyanın ilin sonuna kimi 30 faizdən aşağı düşəcəyinə ümid edirik. Məqsədimiz 2024-cü ildə ölkəmizi birrəqəmli inflyasiyaya qaytarmaqdır", - Ərdoğan bildirib.
Milli Statistika İnstitutunun (TÜİK) daha əvvəl verdiyi məlumata görə, Türkiyədə illik inflyasiya son bir il yarımdan sonra ilk dəfə noyabrda azalıb - oktyabrdakı 85,51%-dən 84,39%-ə düşüb. Noyabrda istehlak qiymətlərində artım 2,88% təşkil edib.
