"ABŞ-ın yeni seçilmiş prezidenti Donald Trampın inauqurasiyadan sonra atacağı addımlardan mən, hələ ki, xəbərsizəm”.
APA-nın "Gazeta.ru”ya istinadən verdiyi xəbərə görə, bu barədə Rusiya prezidenti Vladimir Putin bildirib.
"Mən cənab Tramla tanış deyiləm, onun xarici siyasət meydanında nə edəcəyindən xəbərsizəm”, - deyə Putin bildirib.
Rusiya prezidenti əlavə edib ki, Trampın ətrafında qalmaqalların yaradılmasına baxmayaraq, Moskva-Vaşinqton münasibətlərinin bərpa olunmasına ümid edir.
