İzmir məhkəməsi önündə terror hücumunda şəhid olan polis əməkdaşı Fəthi Səkinlə 5 il bir yerdə çalışan Şahin Çevik qəhrəman polisin bilinməyən şücaətindən danışıb. Gunaz.az Yeni Şəfəq-ə istinadən xəbər verir ki, F.Səkin 2014-cü ildə böyük faciənin qarşısını alıbmış: "2014-cü ildə Manisadan gələn bir TIR-ın əyləci xarab olub. Sürücü nə qədər çalışsa da, yük maşının saxlaya bilməyib. Fəthi də hadisə yerinə yaxın imiş. Dərhal ora gedib, motosikletlə üzü aşağı gedən TIR-ın önünə keçərək ona yol açıb. TIR-ın düz yola qədər gəlib çatmasını təmin edib. Həmin vaxtda da çox insanın həyatını qurtardı”. Xatırladaq ki, Fəthi Səkin İzmirdə baş verən terror hücumu zamanı böyük qəhrəmanlıq göstərib. Onun partlayıcı yüklənmiş avtomobillə qətliam həyata keçirməyə çalışan terrorçuların qarşısının alınmasında xüsusi rolu olub. Terrorçuların təxribatından vaxtında xəbər tutan polis son gülləsinə qədər onlarla atışıb. Qanlı olay zamanı Fəthi Səkin şəhid olub.
