Türkiyədə 15 iyul hərbi çevriliş cəhdindən sonra "FETÖ” terror təşkilatına qarşı aparılan istintaq prosesi çərçivəsində işdən çıxarılan polislərdən 10 minə nəfərə yaxını hərbi xidmətə çağırılacaq. Artıq həmin şəxslərə hərbi xidmətə çağırış vərəqələri göndərilib. Məlumata görə, istintaq çərçivəsində Türkiyə daxilində xidmət edən təqribən 25 min nəfər polis əməkdaşı bu sistemdən kənarlaşdırılıb. Onların arasında 10 minə yaxın polis əməkdaşı hərbi xidmət keçmədən çalışırmış. Hətta, onlardan bir neçəsi hərbi xidmətdə olmaya-olmaya polis rəisi vəzifəsinədək yüksəldilib.
