Tibb müəssisələrində laboratoriya işçilərinə stabil əlavələr nəzərdə tutulub.
GünAz.az xəbər verir ki, bu sözləri İcbari Tibbi Sığorta üzrə Dövlət Agentliyinin İnvestisiya şöbəsinin müdiri Yadigar Mahmudzadə deyib.
Onun sözlərinə görə, həkim-laborantlar çalışdıqları müəssisələrin qruplaşmasından asılı olaraq əməkhaqlarından əlavə ödənişlər alırlar:
"Belə ki, birinci qrup tibb müəssisələrində çalışan həkim-laborantlar əməkhaqqından əlavə 240 manat sabit əlavə, ikinci və ya üçüncü qrup tibb müəssisəsində çalışanlar isə 340 manat stabil əlavə alırlar. Ümumilikdə, həkim-laborantlar üçün çalışdıqları müəssisədən asılı olaraq minimum 240, maksimum 340 manat stabil əlavə nəzərdə tutulub”.
Qeyd edək ki, bu qaydalar TƏBİB-in tabeliyində olan tibb müəssisələrinə şamil edilir.
