"Şuşada müharibədən dərhal sonra qar yağdı, sonra qar əridi və biz onları tapdıq. Aydındır ki, Prezident İlham Əliyev "İskəndər” raketi ilə bağlı danışarkən burada "diplomatik qar”ı nəzərdə tutur”.
Bu barədə GünAz.az-a açıqlamasında Beynəlxalq Münasibətlər və Strateji Araşdırmalar Mərkəzinin rəhbəri Araz Aslanlı fikir səsləndirib. O fikirlərini belə davam etdirib: "Bu həm də o deməkdir ki, hava istiləşməyə doğru gedir. "Qar altında” qalmış bir çox məsələ yavaş-yavaş ortaya çıxacaq. Anadoludan gələn isti külək soyuq şimal küləyinin mənfi izlərinin ortadan qaldırılmasına kömək edəcək”.