"Mənim dünyada bir sevgim var: Allaha olan sevgi. Başqasını sevə bilmərəm. Onu ləkələyə bilmərəm”.
GünAz.az xəbər verir ki, bu sözləri müğənni Mətanət Əsədova ARB telekanalında yayımlanan "Xəbər-ətər” verilişində qonaq olarkən deyib.
O, hazırda qeyri-peşəkar ifaçıların məşhurlaşmasında aparıcıları günahlandırıb:
"Musiqimiz acınacaqlı vəziyyətdədir. Həyatımın 90 faizi musiqidir. İndi ona xələl gətirir, düzgün müşayiət etmirlər. Gördükcə, elə bilirəm yoxam. Görün, efirdə nələr oxunur, nələr edilir. Hamısının yolu açıq olsun. Amma sənətkarların əziyyətlə yazdığı mahnıları kimlər oxuyur? Sənətkarlar həssasdır. Bir adamı təkrar-təkrar efirə niyə çağırırsınız? Olmaz ki, sənətlə reytinq yığasınız?”
