Cəbhənin Füzuli istiqamətində ordumuzun həyata keçirdiyi uğurlu döyüş əməliyyatları davam edir. Bu istiqamətdə geri çəkilən düşmənin daha bir texnikası bölmələrimiz tərəfindən ələ keçirilib.
Azərbaycan Ordusunun əks-həmləsi və sarsıdıcı zərbələri nəticəsində böyük ruh düşkünlüyünə qapılan düşmən yenə də özünə məxsus texnikanı, silah-sursatı açaraq qaçıb.
Hərbçilərimiz tərəfindən ələ keçirilən bugünkü texnika "Zil-131” markalı hərbi avtomaşın olub. Texnikanın içərisində ermənilərə məxsus su qabları, çanta və digər əşyalar var.