Bu gün Ermənistan ordusu cəhbənin Tovuz rayonunun Ağdam kəndində mülkü vətəndaşların yaşadığı evləri yenidən atəşə tutub.
GunAz.az-in bölgə müxbirinin verdiyi məlumata görə, işğalçı tərəf əsasən xırda çaplı silahlardan mülki şəxslərin yaşadığı evləri hədəf alıb.
İlkin məlumata görə, Süleymanov Paşa Abbaslı oğlunun yaşadığı evə ziyan dəyib. Xoşbəxtlikdən mülki şəxslər arasında xəsarət alan olmayıb.
Ordumuz tərəfindən düşmənin növbəti dəfə təxribatının qarşısı alınıb və cavab atəşi ilə düşmən susdurulub.
