Karantin rejimi mərhələli şəkildə aradan qaldırılsa da, əhali özünü necə qorumalı olduğunu bilməlidir. Dövlət öz payına düşən əhəmiyyətli tədbirləri gördü, indi vətəndaşların üzərinə böyük sosial məsuliyyət düşür.
GunAz.az xəbər verir ki, bunu Bakı Biznes Mərkəzində keçirilən brifinqdə Səhiyyə nazirinin müavini Viktor Qasımov bildirib.
"Qəbul edilmiş xüsusi karantin qaydalarında bir neçə məqam mühümdür: şəxsi gigiyena, sosial izolyasiya və sairə. Bu, bilavasitə özümüzdən asılıdır", - V.Qasımov söyləyib.
