İsmayıllı rayonu ərazisində cari ildə 2 yol infrastrukturu layihəsinin icrası yekunlaşıb. Avtomobil Yolları Dövlət Agentliyindən GunAz.az-a bildirilib ki, icra olunmuş yol infrastrukturu layihələrinin ümumi uzunluğu 15 km təşkil edir.
5 yaşayış məntəqəsini əhatə edən IV texniki dərəcəli olan avtomobil yolları boyu 2 laydan ibarət yeni asfalt-beton örtüyünün döşənməsi işləri görülüb. Ümumilikdə tikintinin aparıldığı sahə 150 min kv.m-ə yaxındır.
Layihənin sonuncu mərhələsində zəruri olan yerlərdə 7 avtobus dayanacağının inşa edilib, hərəkətin normal təşkil üçün yol nişanlarının, siqnal dirəklərinin və km göstəricicilərinin quraşdırılması, yolcizgi və yolgöstərici xətlərinin, həmçinin piyada zolaqlarının çəkilməsi işləri aparılıb.
