Əcnəbi və vətəndaşlığı olmayan şəxslər tərəfindən Dövlət Miqrasiya Xidmətinə (DMX) ünvanlanan bütün növ müraciətlərin qəbulunu yerində və operativ şəkildə həyata keçirmək məqsədilə Zaqatalada səyyar xidmət keçirilib.
DMX-dən GunAz.az-a bildiriblər ki, Şəki Regional Miqrasiya İdarəsi könüllülərinin də yaxından iştirak etdikləri səyyar xidmətin imkanlarından 31 nəfər yararlanıb. Bir nəfərə Azərbaycan Respublikasının vətəndaşlıq mənsubiyyətinin müəyyənləşdirilməsi ilə bağlı sənəd, 18-nə vətəndaşlıq mənsubiyyətinin müəyyən olunması ilə bağlı arayış, 4 nəfərə Azərbaycan Respublikasının ərazisində müvəqqəti yaşamaq üçün icazə vəsiqəsi verilib. Bundan başqa, 8 nəfərə vətəndaşlıq mənsubiyyətinin müəyyənləşdirilməsi, müvəqqəti, həmçinin daimi yaşama, iş icazələrinin alınması ilə bağlı müraciət üçün sənədlərin siyahısı təqdim olunub.
Müraciət edənlər səyyar xidmətin təşkilinə görə minnətdarlıqlarını bildiriblər.
