Bu ilin hazırlıq planına uyğun olaraq, N saylı hərbi hissədə müddətdən artıq həqiqi hərbi xidmət hərbi qulluqçularının hazırlıq kursuna cəlb olunan heyət ilə kütləvi tərbiyəvi tədbir keçirilib.
Müdafiə Nazirliyinin mətbuat xidmətindən GunAz.az-a bildiriblər ki, əvvəlcə Azərbaycan xalqının ümummilli lideri Heydər Əliyevin və torpaqlarımızın azadlığı uğrunda şəhid olmuş soydaşlarımızın xatirəsi bir dəqiqəlik sükutla yad edilib, hərbi orkestrin müşayiəti ilə dövlət himni ifa olunub.
Tədbirdə çıxış edənlər kursantlara gələcək xidmətlərinin nümunəvi təşkili üçün qanunların və nizamnamələrin tələblərinə əməl olunmasının vacibliyini izah edib, Müdafiə nazirinin əmr və tapşırıqlarını diqqətə çatdırıblar.
