Filippinin paytaxtı Manilanın Binolonan qəsəbəsində başqaları haqqında dedi-qodu edənləri bundan sonra cərimə gözləyir.
“Qafqazinfo” xarici KİV-ə istinadən xəbər verir ki, qeybət edərkən tutulan şəxslər bundan sonra inzibati məsuliyyətə cəlb olunacaq və 1000 peso ödəyəcəklər. Qəsəbənin icra nümayəndəsi Ramon Quico bildirib ki, bu qərarın qəbul olunmasına qeybət üzündən çoxlu davaların çıxması səbəb olub:
“Ümumiyyətlə, dedi-qodu edilməyən yer daha bərəkətli olur. Çünki insanların başqaları haqqında neqativ danışması müsbət heç nə vəd etmir. Yeni qanuna görə başqaları haqqında şayiə yayanlar 200 peso cərimə və 3 saat zibil daşımaqla cəzalandırılacaq. İkinci dəfə dedi-qodu faktına görə tutulanları isə 1000 peso cərimə və 8 saat inzibati iş gözləyir”.
