Azərbaycana yaz fəsli gəlib. Buna görə də bu gün Novruz bayramı günü hesab edilir.
GunAz.az xəbər verir ki, AMEA-nın Şamaxı Astrofizika Rəsədxanasının elmi işçisi Orxan Xəlilov bildirib ki, bu gün saat 01:58-də günəş səmanın cənub yarımkürəsindən şimal yarımkürəsinə keçid edib.
Həmin an günəş yerin hərəkət müstəvisi ilə ekvator müstəvisinin kəsişdiyi nöqtədə olub. Bu nöqtəyə astronomiya elmində “yaz bərabərliyi nöqtəsi” deyilir. Bu gündən gecə və gündüz bərabərliyi qeydə alınıb. Həmin andan şimal yarımkürəsində astronomik bahar başlayıb.
N.SAFURA
