Ərdəbil sakini olan azərbaycanlı milli-mədəni fəal Əsgər Əkbərzadənin saxlanıldığı bildirilir.
GunAz.az Güney Azərbaycana bağlı saytlara istinadla xəbər verir ki, hazırda hərbi xidmətdə olan fəal təhlükəsizlik qüvvələri tərəfindən əl-ayaqları qandallı şəkildə Ərdəbilin ETTELAAT idarəsinə aparılıb.
Fəalın saxlanılmasının təfərrüatları barədə hələlik heç bir məlumat yoxdur.
Qeyd olunur ki, Ə.Əkbərzadə Güney Azərbaycanın tanınmış fəallardan biridir, o dəfələrlə saxlanılıb, həbs edilib və müxtəlif təzyiqlərə məruz qalıb. Fəalın saxlanması haqda daha geniş məlumat yayılacağı bildirilib.