Dünən Binədə baş verən dəhşətli qəzada xəsarət alan 2 azyaşlı əməliyyat olunub.
GunAz.az xəbər verir ki, bu barədə "Ölkə.Az"a Səhiyyə Nazirliyinin mətbuat xidmətinin rəhbəri Pərviz Abubəkirov məlumat verib.
O bildirib ki, qəzada xəsarət alan 2 azyaşlı səhiyyə naziri Oqtay Şirəliyevin göstərişi ilə dərhal əməliyyat olunub və hazırda onların vəziyyəti stabildir.
Qeyd edək ki, ötən gün Binə-Koroğlu istiqamətində hərəkətdə olan 160 saylı marşurut xətti ilə içərisi sərnişinlə dolu avtobus hərəkətdə olan yük qatarının yoluna çıxıb. Bu zaman yük qatarı avtobusu vurub. Qəza nəticəsində 1 azyaşlı ölüb, azı 34 nəfər xəsarət alıb.
