Seçki prosesi qaydasında keçdiyindən, seçki günü səsvermə də normal qaydada keçir.
Bunu Gunaz.az-a açıqlamasında Azərbaycan Sosial Demokrat Partiyasından olan prezidentliyə namizəd Araz Əlizadə seçki günündə seçki prosesinin gedişi ilə bağlı vəziyyəti şərh edərkən deyib.
Onun sözlərinə görə, səlahiyyətli nümayənədələri, müşahidəçiləri seçki prosesini izlıməkdədir və onlar hər hansı qanun pozuntusuna rast gəlməyiblər.
“Odur ki, səsvermə prosesi normal gedir və seçicilər səsvermə hüququndan istifadə edib, sərbəst formada istədiyi namizədə səs verirlər”- A.Əlizadə deyib.
Seçki prosesinin gedişi barədə mövqeyini açıqlayan A.Əlizadə deyib ki,ümumiyyətlə, seçki prosesi normal keçir: “Namizədlərə seçicilərlə görüşmək üçün şərait yaradılıb və hər bir namizəd öz mövqeyini seçicilərə çatdırıb və burada hər hansı bir maneçilik olmayıb. Seçkiöncəsi təvşiqat kampaniyamızı normal başa vurmuşuq”.
Seçkinin nəticələrinə və qalib gələn şəxsi təbrik etmək məsələsinə gəldikdə A.Əlizadə deyib ki, o buna normal yanaşır: “Qalib gələn şəxsin qalibiyyəti digər namizədlər tərəfindən qəbul edilməli və onun fəaliyyətinə uğurlar arzulanmalıdır. Bu bir siyasi mədəniyyətdir. Onu deyə bilərəm ki, kim qalib gələcəksə, Allah onun işini avand eləsin”.
