Respublika Baş Dövlət Yol Polisi İdarəsinin (RBDYPİ) İctimaiyyətlə əlaqələr şöbəsinin rəisi Kamran Əliyev yeni vəzifəyə təyin olunub.
Gunaz.az bildirir ki, bu haqda Kamran Əliyevin özü məlumat verib. Bildirib ki, bundan sonra o, BDYPİ-nin Yol-Patrul Xidməti şöbəsində rəis vəzifəsini icra edəcək.
Həmin vəzifədə bundan əvvəl polkovnik Ərəstun Məcidov çalışırdı. O, bir neçə ay əvvəl təqaüdə çıxdığı üçün həmin şöbədə rəis vəzifəsi vakant idi.
Kamran Əliyevin indiyədək rəhbərlik etdiyi İctimaiyyətlə əlaqələr şöbəsinə də təyinat olub. Belə ki, Bakı şəhər Dövlət Yol Polisi İdarəsinin əməkdaşı, mayor Rüfət Quliyev Baş İdarəinin İctimaiyyətlə əlaqələr şöbəsinin rəisi təyin edilib.
