Milli Televiziya və Radio Şurasının bu gün keçirilən iclasında özəl ümumölkə teleradio yayımçılarına birdəfəlik maliyyə yardımı göstərilməsi haqqında Prezident İlham Əliyevin sərəncamına əsasən Azərbaycan Respublikası Prezidentinin ehtiyat fondundan MTRŞ-ya ayrılmış 3 milyon manat vəsaitdən hər bir özəl ümumrespublika televiziya yayımçısına (Lider TV, Xəzər TV, ATV, ARB TV, Speys TV) 600 min manat ayrılması barədə qərar qəbul edilib.
Şuradan Kult.az-a verilən məlumata görə, iclasda həmçinin Avto FM radiosunun ölkə ərazisində geniş miqyaslı yayımının təmin olunması üçün ona yeni tezliklərin ayrılması və Azərspeys-1 (Azerspace-1) peykindən yayımına icazə verilməsi ilə bağlı qərar qəbul edilib.
