Sabah saat 01.30-dan 04.30-a qədər Xətai rayonu Əhmədli yaşayış massivinin bir hissəsində (General Şıxlı,Nəsrəddin Tusi,Sarayev, Neapol, Məhəmməd Hadi, Sadıqcan,Telnov küçələri) elektrik enerjisinin verilişində qısa müddətli fasilələr yaranacaq.
Bu barədə Gunaz.az-a “Azərişıq” ASC-dən məlumat verilib.
Məlumata görə, fasilənin səbəbi ”Azərenerji” ASC-yə məxsus 110/35/10 kV-luq Əhmədli yarımstansiyasında aparılan təmir işləridir.
Yaranmış narahatçılığa görə “Azərişıq” ASC İstehlakçılardan üzr istəyir.
