"Turistlərin axını ilə bağlı müxtəlif fikirlər dolaşır. Deyirlər ki, onlar özlərini apara bilmirlər. Əgər biz dünyada tanınmaq istəyiriksə, o zaman başqa ölkələrdən insanlar gəlib Azərbaycanı görməlidirlər".
Bunu mədəniyyət və turizm naziri Əbülfəs Qarayev 27 sentyabr - Ümumdünya Turizm Günü ilə əlaqədar bu gün keçirdiyi brifinqdə deyib.
Onun sözlərinə görə, turistlərin davranışları ilə bağlı bütün insanlar birgə çalışmalıdırlar: "Bütün insanlara üzümü tuturam. Qonaqpərvərlik kifayət qədər mürəkkəb anlayışdır. Əgər biz istəyiriksə, bizi tanısınlar, bu yolda müəyyən qədər işlər görülməlidir".