Bakıdan Ankaraya, İstanbula, eləcə də digər qardaş ölkələrin şəhərlərinə
rahat avtobuslar işləyir. Bu bizi çox sevindirir.
Bakı ilə Türkiyə arasında avtobus biletləri dolların kursu ilə
hesablanır. Birdən dolların kursu qalxdı oldu 3 manat. Onda tələbələr Bakıdan
Türkiyəyə necə gedib gələ biləcəklər.
İki ölkənin milli pulu ola-ola dollardan niyə asılı qalmalıyıq?
Axı bir millət və iki qardaş dövlət arasında istər avtobus, istərsə də
avia biletləri niyə dollarla hesablanmalıdır?
Bizim milli pulumuz niyə
dollardan əskik olsun. Milli pulumuza dəyər verməliyik.
Baş bankirimiz yəqin ki, bu
məsələ ilə məşğul olur. Onu da qeyd edim ki, yerli istehsalı gücləndirmədə
dollardan asılılığı azaltmalıyıq.
Əvvəllər Türkiyəyə bir
bağlama göndərəndə türk sürücülərə 10 manat verirdik, razılaşırdılar. indi isə
15, 20 dollar ödəyəsən ki, sənin bağlamanı yerinə çatdıralar. Yəqin ki, iki
qardaş ölkənin əlaqədar təşkilatları əhalinin bu narazılığını başa düşüb
qiymətlərə bir daha nəzər yetirəcəklər.
R.İlyasoğlu