Bir müddət öncə ağır xəstəliyə mübtəla olduğu öyrənilən ustad aşıq Ədalət Nəsibovdan yeni xəbər var. Tanınmış jurnalist Çiçək Mahmudqızının verdiyi məlumata görə, aşığın səhhəti indi normaldır:
"Bakıya gələn kimi Dədə Ədalətin yanına getdim. İndi səhhəti əvvəlki ilə müqayisədə o qədər də pis deyil, yaxşıdır. Ağır vəziyyətdən çıxmış kimi görünür. Şükür ki, danışa bilir. Ancaq ona istirahət daha çox lazımdır deyə heç kimi qəbul etmir”.
Xatırladaq ki, Aşıq Ədalət Nəsibov bir müddət öncə müayinə üçün Türkiyəyə getmişdi. Türkiyədə onkoloji xəstəlik diaqnozu qoyulan aşıq müalicə olunmaq üçün vətənə qayıtmışdı. Və müalicəsini burada davam etdirir.
Ustad aşıq Ədalət Nəsibova Allahdan şəfa diləriyik!
