Reanimasiyaya yerləşdirilən Xalq artistindən XƏBƏR VAR

İyunun 16-da Respublika Müalicəvi Diaqnostika Mərkəzi nəzdində Bakı Ürək Mərkəzinə yerləşdirilən Xalq artisti Qəndab Quliyevanın vəziyyəti stabildir.
Bu barədə Respublika Müalicəvi Diaqnostika Mərkəzindən məlumat verilib.
Mərkəzdən bildirilib ki, Xalq artisti hazırda reanimasiya şöbəsindədir: "Qəndab xanım təngənəfəs halda Mərkəzə müraciət edib. Kardiologiya şöbəsinin müdiri Abbasəli Abbasəliyev müayinə edib. Qəndab xanıma ürək çatışmazlığı diaqnozu qoyulub. Hazırda vəziyyəti stabildir. Reanimasiya şöbəsində müalicəsi davam etdirilir. Müalicə başa çatandan sonra palataya köçürüləcək”.