Cinayətə görə cərimənin maksimum həddi iki dəfə artırılır
Tarix:
18-04-2017, 22:00
/ 4 087 dəfə oxundu.
Cinayət Məcəlləsinin 44-cü maddəsinə dəyişiklik təklif edilir
Azərbaycanda cinayətə görə tətbiq olunan cərimələrin maksimum həddi iki dəfə artırılır. Bununla bağlı Cinayət Məcəlləsinin 44-cü (Cərimə) maddəsinə dəyişiklik təklif edilir.
Dəyişikliyə əsasən, "Cərimə törədilmiş cinayətin ağırlığı və məhkumun əmlak vəziyyəti nəzərə alınmaqla on min manatadək miqdarda və ya cinayət nəticəsində vurulmuş ziyanın (əldə edilmiş gəlirin) bir mislindən on mislinədək miqdarda müəyyən olunur” cümləsində "on min manat” sözü "iyirmi min manat” sözü ilə əvəz edilir.
Layihə Milli Məclisin plenar iclasına tövsiyə olunub və aprelin 25-də müzakirəyə çıxarılacaq.
