Paytaxtda "26 Bakı komissarı" küçəsi: Xalqımıza qarşı soyqırımı törədənlərin adı niyə sökülmür? - VİDEO

Paytaxt küçələrindən biri vaxtilə Azərbaycan xalqının başına olmazın müsibətlər gətirən və əksəriyyəti ermənilərdən ibarət olan şəxslərin adını daşıyır.
Söhbət Sabunçu rayonunda olan 26 Bakı komissarı küçəsindən gedir. Baxmayaraq ki, şəhərdə Bakı komissarlarına aid bütün abidələr və adlar götürülüb.
Tarix tək kitablarda yox, küçələrdə, abidələrdə yaşayır deyiblər. Elə Vətən üçün canından keçənlərin də adları burda əbədiləşir.
Amma təəssüf ki, hərdən elə adlar olur ki, qara ləkə kimi tarixə düşür. Ümumiyyətlə, belə adların əbədiləşdiyi hər hansısa küçə, abidə gördükdə itsər- istəməz təəccüblənməmək mümkün deyil. Elə bu küçənin adı kimi...
Küçənin sakinləri həmin adın keçmiş sovet vaxtından qaldığını deyirlər. Onlar küçənin 26 Bakı komissarının adını daşımasından narazıdırlar. Sakinlərin sözlərinə görə, küçəyə şəhid adı verilsə, onlar üçün qürur və şərəf olar.
Məsələ ilə bağlı "Xəzər Xəbər”ə Sabunçu rayon İcra Hakimiyyətindən bildirdilər ki, sözügedən küçə və bir neçə digərlərinin adlarının dəyişdiriliməsi ilə bağlı Nazirlər Kabinetinə müraciət edilib. Həmin küçənin də adı dəyişdiriləsi adlar siyahısındadır. Nazirlət Kabinetinin müvafiq qərarından sonra küçənin adı dəyişdiriləcək.
"Xəzər xəbər"in mövzu ilə bağlı hazırladığı videomaterialı təqdim edirik: 

Gunaz.az