Cəbhəyanı kəndlərdə həyat öz axarı ilə davam edir. Gunaz.az Xəzər xəbər-ə istinadən xəbər verir ki, təmas xəttinə yaxın yerləşən və 5 min nəfər əhalisi olan, aprel döyüşləri zamanı 200-dən çox evə ziyan dəyən Ağdamın Qaradağlı kəndində həyat normaldır. Son günlər cəbhədə vəziyyətin daha gərgin olmasına və atəşkəsin intensiv şəkildə pozulmasına baxmayaraq sakinlər orduya güvəndiklərini və heç nədən qorxmadıqlarını bildiriblər. Hazırda cəbhənin bu istiqamətində nisbi sakitlik hökm sürür.
