20 yanvar faciəsində həlak olanların xatirəsi Bakı Metropolitenində də anılır. Gunaz.az-ınMusavat.com-a istinadən məlumatına görə, metronun bütün stansiyaları qara lentli qərənfillərlə bəzədilib. Eyni zamanda stansiyalarda matəmlə əlaqədar olaraq həzin musiqilər səsləndirilir. Bundan başqa Ümumxalq Hüzn Günü ilə bağlı metroda dünyasını dəyişən şəhidlərin xatirəsinə adlandırılmış "20 Yanvar” stansiyasında xüsusi anım mərasimi təşkil olunub. Stansiyada faciə günü ilə bağlı qərənfillərdən kompozisiya hazırlanıb. Metropolitenin mətbuat xidmətindən aldığımız məlumata görə, saat 12:00-da bütün stansiyalarda qatarların hərəkəti dayandırılacaq və şəhidlərimizin ruhu bir dəqiqəlik sükutla yad olunacaq.
