Filippin sahillərində güclü zəlzələ baş verib.
GunAz.az xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.
6.8 bal gücündə olan yeraltı təkanların episentri Davao şəhərinin 59 kilometrliyində yerin 80 km dərinliyində qeydə alınıb.
Tələfat və dağıntılar barədə məlumat verilməyib.
***
Zəlzələ nəticəsində 1 nəfər həlak olub.
“Manila Bulletin” qəzetinin yazdığına görə, 6 yaşlı qız dağıntılar altında qalıb.
***
Zəlzələ nəticəsində həlak olanların sayı 3-ə çatıb. Təkanlar nəticəsində bir neçə binanın dağıldığı bildirilib.
***
Zəlzələ nəticəsində xəsarət alanların sayının 37 nəfər olduğu bildirilib.