Qardaş Azərbaycanın ərazi bütövlüyü üçün olan dəstəyimizi sonuna qədər davam etdirəcəyik. Bu fikri Türkiyənin Xarici İşlər naziri Mövlud Çavuşoğlu Səfirlərin Konfransında səsləndirib. Nazir çıxışında ABŞ-la olan münasibətlərə də toxunub: "Tramp rəhbərliyinin əvvəlki səhvləri davam etdirməyəcəyinə inanıram. ABŞ-dan Fətullah Güləni ekstradisiya etməsini və terror təşkilatı YPG ilə əməkdaşlığa son qoymasını gözləyirik”. O, həmçinin, Rusiya ilə terrora qarşı birgə əməkdaşlığın davam etdiyini, lakin öz prinsiplərinə də sadiq qalacaqlarını, Ukrayna və Gürcüstanın ərazi bütövlüyünü dəstəkləyəcəklərini, Krımın birləşdirilməsini tanımayacaqlarını bildirib.
