ARB TV-nin "Show News" verilişinə müsahibə verən stilist Anar Ağakişiyev yaxın zamanda ölkədən köçəcəyini deyib.
GunAz.az xəbər verir ki, Türkiyə təəssüratlarını paylaşan stilist qardaş ölkədə çox gözəl qarşılamdığını etiraf edib:
"Aparıcılar deyir ki, Demet Akalını hələ belə makiyaj edən olmamışdı. Onu Jenifer Lopezlə müqayisə etdilər. Bu, o deməkdir ki, 80 milyonluq ölkədə mənim kimi biri yoxdur. Demet Akalın konsertində məni ayağa qaldırıb təşəkkür etdi. Hər şey elə bil yuxu kimi idi. Ondan sonra başqa ulduzlardan da mənə təkliflər gəldi. Az qalıb, bir aydan sonra İstanbula köçməliyəm. Məcburam. Qərarı mən verməliyəm. Hələ düşünürəm. Fikirləşirdim ki, gedib-gələrəm. Amma yoruluram".
Anar Ağakişiyev artıq yerli məşhurları makiyaj etməyəcəyini də açıqlayıb:
"Bizim şou-biznesdə mənə qarşı inanılmaz dərəcədə paxıllıq hissi var. Axı mən sizə nə etmişəm?! Sizsiniz mənim ideyamı istifadə edən. Amma belə şeylər məni daha da ruhlandırır. Artıq yerli şou-biznesdən heç kimi makiyaj etməyəcəm, bitdi. Mən həmin Anaram ki, zamanında mənə kapriz edirdilər. Daha istəmirəm".
https://www.youtube.com/watch?v=oG06Paf-Af0#action=share
N.SAFURA
