ABŞ-ın CNBC kanalına dəvət olunan Brian Kelly adlı kriptovalyuta sahibkarı bitkoinlə bağlı proqnoz verib.
Gunaz.az bildirir ki, investor açıqlamasında bitkoinlə bağlı qəbul edilən sanksiyaların zamanla ləğv ediləcəyi və virtual valyutanın qiymətinin 10 min dollara qədər yükəsləcəyini bildirib. Onun sözlərinə görə, dünyanın ən dəyərli virtual valyutası olan bitkoinin yüksəlişinin qarşısını almaq mümkün olmayacaq.
Qeyd edək ki, kriptovalyuta bazarında fəaliyyət göstərən BKCM LLC adlı şirkətin icraçı direktoru olan Brian Kelly Bitcoin və digər kripto pul vahidlərinin gələcəyi haqqında apardığı ardıcıl proqnozlarla tanınır.
Bitkoinin 11 may 10:00 tarixinə qiyməti 9.011 dollar təşkil edir. Ötən saatlarla müqayisədə bitkoinin qiymətində 3.5% ucuzlaşma müşahidə edilir.
