Türkiyə Super Liqasının 28-ci turunun açılış matçında İstanbul nəhəngi "Beşiktaş" doğma meydanda "Konyaspor"u 3-0 məğlub edib.
GunAz.az xəbər verir ki, oyunda qolları Burak Yılmaz, Diabi və Lens vurub.
"Konyaspor"un heyətində Amir Hacıahmetoviç 15-ci dəqiqədə qırmızı vərəqə alıb.
Bu nəticədən sonra xallarının sayını 50-yə çatdıran "Beşiktaş" 5-ci pilləyə yüksəlib və Avropa kuboklarına qatılmaq uğrunda mübarizəsini davam etdirib.
