Türkiyənin İzmir şəhərində partlayış törədilib. Hadisə İzmir məhkəməsinin qarşısındakı polis məntəqəsinin yaxınlığında baş verib. Partlayışın bomba yüklü avtomobillə törədildiyi ehtimal olunur. İlkin məlumata görə, partlayış nəticəsində 3 nəfər yaralanıb. Partlayışdan sonra ərazidə atışma baş verib. DHA müxbiri 1 terrorçunun öldürüldüyü barədə məlumat verib. Hadisə yerinə xeyli təcili tibbi yardım briqadaları göndərilib. 18:00
Terroru həyata keçirən 3 terrorçudan daha biri məhv edilib, 3-cü terrorçunun axtarışları davam edir. Polis təhlükəsizlik səbəbindən ədliyyə binasından heç kimi buraxmır.
Egey Universitetinin Tibb fakültəsi xəstəxanasına 6 yaralanın aparıldığı bildirilir. *** İzmir şəhərində partlayış törətdikdən sonra təhlükəsizlik qüvvələri tərəfindən öldürülən 2 terrorçunun görüntüləri yayılıb. Qeyd edək ki, qanlı olayı törədən 3 terrorçudan biri qaçıb. Öldürülənlərdən birinin üstündə bomba olduğu ehtimal edilir.
