Sumqayıt şəhərində 5 mərtəbəli yaşayış binasında yanğın baş verib.
Fövqəladə Hallar Nazirliyinin (FHN) saytına istinadən verilən xəbərə görə, nəticədə binanın 3-cü mərtəbəsinin pilləkən qəfəsində quraşdırılmış 9 ədəd elektrik sayğacı yanıb. Mənzillər yanğından mühafizə olunub. Yanğın yanğınsöndürənlər tərəfindən əl yanğınsöndürmə qurğusu vasitəsi ilə söndürülüb.
