Bilin.....

Çöllərində gülüstan var,
Bözkırında min dastan var,
Öndə Qafqaz , Türküstan var,
Vurğunuyam mən bu elin,
Türk oğluyam , türkəm bilin !

Sahib çıxar türk adına,
Tanrı yetər imdadına,
Ulu , uca soyadına,
Bağlı yurdum, ölkəm bilin ,
Türk oğluyam , türkəm bilin !

Bu dağlarda , bu daşlarda,
Adı yaşar yaddaşlarda,
Düşmənlərlə savaşlarda,
Poladdan da bərkəm bilin,
Türk oğluyam , türkəm bilin!

Bir yol aldım Tanrıdağdan,
Soraq saldım Ağrıdağdan,
Göy üzündən gələn haqdan,
Mən özümə görkəm bilin ,
Türk oğluyam , türkəm bilin !