Sərvər Məsum
Yığıldıq boğaza , yığıldıq cana ,
Üz tutduq , əl açdıq daima O'na,
Niyə zülm edirsən axı insana,
Tifaqın dağılsın sənin , ay fələk...
Üstümə yıxılıb göyün bilmirəm,
Kimi yaxalayım , döyüm bilmirəm,
Mən səni de necə öyüm bilmirəm,
Tifaqın dağılsın sənin , ay fələk...
Bir ömür zülm çəkdim , söylə haqdımı,
Niyə əyri-üyrü yazdın baxtımı,
Qovğaya , savaşa verdim vaxtımı,
Tifaqın dağılsın sənin , ay fələk....
Hər axşam arxamca gəlir Əzrail,
Yoruldum , bu dünya ta mənlik deyil ,
Bu sənə son sözüm , qarğışımdı bil,
Tifaqın dağılsın sənin , ay fələk....